NormNormNormNormNormNorm
/

Rəhbərlik

Adnan Nuri Özkaya
Direktorlar Şurasının sədri
Adnan Nuri Özkaya müxtəlif rəhbər vəzifələrdə 30 ildən çox beynəlxalq iş təcrübəsinə malikdir.

A. N. Özkaya Norm-un Direktorlar Şurasının sədridir. Daha əvvəl 2012-ci ilin fevral ayından etibarən Norm şirkətində biznes məsləhətçi və şura üzvü kimi fəaliyyət göstərib.

A. N. Özkaya 17 il müddətində Lafarge Group-un Türkiyədəki ofisində və Parisdə yerləşən mərkəzi ofisdə müxtəlif vəzifələrdə çalışıb. 2002-2010-cu illərdə Lafarge Cement Turkey-də Baş icraçı direktor, 1999-2002-ci illərdə isə Maliyyə işləri üzrə direktor və Strateji məsələlər üzrə direktor vəzifələrində çalışıb. Bundan öncə isə 1992-ci ilin sonunadək audit şirkətində işləyib.

A. N. Özkaya 1988-ci ildə Boğaziçi Universitetinin “Biznesin idarə edilməsi” fakültəsinin məzunudur.
İmran Əhmədzadə
Şura üzvü
İmran Əhmədzadə neft, telekommunikasiya, maliyyə və sənaye müəssisələrində geniş təcrübəyə malikdir.

İ. Əhmədzadə Norm şirkətinin Direktorlar Şurasının üzvüdür. O, həmçinin, NEQSOL Holding-in Maliyyə işləri üzrə direktoru və Birləşmiş Krallıq qeydiyyatlı neft şirkətlər qrupu olan Nobel Oil Services (UK) Limited-in Direktorlar Şurasının üzvüdür.

2013-cü ildə Nobel Oil şirkətlər qrupunda baş xəzinədar olaraq işə başlayıb. Bundan öncə, İ. Əhmədzadə 2004-cü ildən etibarən bank sektorunda, xəzinədarlıq, riskin idarə olunması, kredit anderraytinqi, portfelin idarə olunması sahələrində müxtəlif vəzifələrdə çalışıb. O, həmçinin, müxtəlif universitetlərdə pedaqoq kimi fəaliyyət göstərib.

2019-cu ildə Harvard Biznes Məktəbində bir illik təhsilini (PLD) müvəffəqiyyətlə tamamlayıb və 2009-cu ildə Almaniyada yerləşən Koburq Universitetində “Maliyyə idarəetməsi” üzrə magistr dərəcəsinə yiyələnib.
Georgi Bedineişvili
Şura üzvü
Georgie Bedineişvili investisiya bankçılığı, vəsaitlərin idarə edilməsi, maliyyə idarəetməsi və ümumi idarəçilik kimi bir sıra sahələrində təcrübəyə malikdir.

G. Bedineişvili Norm şirkətinin Direktorlar Şurasının üzvüdür. Maliyyə və marketinq sahəsi üzrə geniş bilik və təcrübəyə malik olmaqla, 1994-1997-ci illərdə Rusiyada RJ Reynolds Tobacco International şirkətində Maliyyə direktoru vəzifəsini icra edib. Daha sonra Salomon Brothers-də Səhmlər üzrə mütəxəssis kimi karyerasını davam etdirmək məqsədilə Birləşmiş Krallığa köçüb. 2004-cü ildə Birləşmiş Krallıqda Salford Capital Partners-in tərəfdaşı və İcraçı direktoru olub.

Cənab Bedineişvili Gürcüstan Prezidentinin iqtisadiyyat üzrə baş məsləhətçisi vəzifəsində çalışıb və Azad Tbilisi Universitetinin dosentidir.

Berkli Universitetinin magistr dərəcəsinə malikdir.
Mehmet Hayrettin Şener
Şura üzvü
Mehmet Hayrettin Şener Türkiyədə sement sənayesi sahəsində 40 illik iş təcrübəsinə malikdir.

Cənab Şener Norm şirkətinin Direktorlar Şurasının üzvüdür. Daha əvvəl Türkiyə Sement İstehsalçıları Assosiasiyasının Keyfiyyət və Ətraf Mühit Şurasının idarə heyətinin üzvü olub.

Cənab Şener 30 ildən çox SABANCI Holding sement zavodlarında və Holding Cement Group-da, o cümlədən, 5 il baş direktor və idarə heyəti üzvü kimi, 6 ilə yaxın Türkiyənin ən böyük sement zavodlarından olan NUH Sement-də Baş direktor vəzifələrində fəaliyyət göstərib.

Cənab Şener ABŞ-nın Nyu-York Politexnik Universitetinin “Kimya mühəndisliyi” fakültəsində magistr dərəcəsinə, İstanbul Texniki Universitetində “Kimya mühəndisliyi” fakültəsində bakalavr dərəcəsinə yiyələnib.
Henning Sasse
Baş icraçı direktor
Henning Sasse, müxtəlif aparıcı texniki və ümumi idarəetmə vəzifələrində olmaqla, 24 ildən artıq iş təcrübəsinə malikdir.

Cənab Sasse Norm şirkətinin baş icraçı direktorudur. Norm-da fəaliyyətə başlamazdan əvvəl LafargeHolcim Cement Industrial India şirkətinin rəhbəri olub, bununla yanaşı, Hindistanda iki LafargeHolcim şirkətlər qrupunun icra komitəsinin üzvü olub.

O, Almaniya, Azərbaycan, Rusiya və Hindistanda (Cənubi Asiya) sement və digər tikinti materialları, eləcə də, tullantıların idarə olunması və müxtəlif təyinatlı alternativ resurslar sahəsində 19 illik təcrübəyə malikdir.

Cənab Sasse Braunşveyq Texniki Universitetinin “Mexanika mühəndisliyi” fakültəsində magistr dərəcəsinə, Karlsrue Texnologiya Universitetində iqtisad üzrə elmlər doktoru dərəcəsinə yiyələnib. Lozannada yerləşən Beynəlxalq İdarəetmə İnkişafı İnstitunun (IMD), Rəhbərlik və İdarəetmə üzrə iki əsas proqramını bitirib.

SOSİAL ŞƏBƏKƏLƏR

//

MƏLUMAT MƏRKƏZİ

927

BİZƏ YAZIN

office@norm.az media@norm.az

AXTARIŞ